點解我要咁做?

兩個字：犯賤

人一出世就係犯賤。
細個有咳嗽，你係都要食糖飲凍野；上堂阿sir係前面教書，你係後面同同學係到竊竊私語傳紙仔；求學時期老豆唔比你拍拖，你偏要同個女仔放學拖手夜晚煲粥；食煙飲酒，明知會致癌肝硬化架啦，你係都要做呀；過馬路唔睇燈，當紅黃綠係一支用黎貼街招既一碌柱。。。

以上既野，好多人都明知做左會對自己或身邊既人唔好，有D仲係犯法添。點解都要去做呢？
有D人覺得做左以上既野後，會令到自己滿足開心舒服，而係享受緊既同時，自然就覺得所做既野係『理所當然』啦，最後呢種感覺往往都會大過『咁做係唔o岩/做左會犯法』既意識。至於殺人放火強姦，道理都係一樣，只不過D人唔覺得傷害到人係一件樂事，唔會令自己滿足開心舒服，先至覺得咁樣做係犯法，唔會去做咁解。

點解我明知用BT下載MP3係犯法，都仲要去做？？？
因為我犯賤囉！








P.S. 上面既說話，係俾我今日見工interview果個人，你夠擔既話向天發誓，你無做過上面任何一樣野。