攣到爆

昨日，觀塘果間公司第2次見工。去到所謂既2nd interview，只係跟佢要求用下MS WORD、用PHOTOSHOP整張catalogue咁，做下做下由11點做到5:30就走人，記住我係去2nd interview咋....

本來約左友人6:45左右一齊食晚飯之後睇攣到爆，但5:30放人立即飛奔回家換衫，7:30先到灣仔，飯都無食。在等人期間 ，有4個，兩條粉腸一team，前後腳咁同講耶穌。坦白講其實都幾僧基督徒 ，見到我要等既人即撇！至於睇第3度公演攣到爆，我覺得幾好睇，由其係「論盡基佬阿媽」果幾part幾好笑。

今日收到電話，叫我聽日開始返工，星期一至六，朝9晚6，人工5500，過試用期會唔知加幾多，我即刻好似d學生放完長假唔想學咁既mood.......好多野擔心，擔心唔知過唔過到試用期，擔心自己handle唔到d工作，擔心做d工作得唔好........返工又要恤衫西褲打呔.............help!!!!!!!!!!!!!!